🌏 2️⃣2️⃣ აპრილი — დედამიწის საერთაშორისო დღე

დედამიწის დღისადმი მიძღვნილი კვირეულის ფარგლებში მაჭახელას დაცული ლანდშაფტის სამმართველომ დაიწყო საგანმანათლებლო შეხვედრები მაჭახელას ხეობის სკოლებში.

ღონისძიებები გაიმართა აჭარისაღმართისა და ქვედა ჩხუტუნეთის სკოლებში. მოსწავლეებს წარედგინათ პრეზენტაცია გარემოს დაცვის მნიშვნელობაზე, ბუნებრივი რესურსების გონივრულ გამოყენებასა და დაცული ტერიტორიების როლზე.

შეხვედრა ინტერაქტიულ რეჟიმში გაგრძელდა — მოსწავლეები აქტიურად ჩაერთნენ განხილვაში, გამოხატეს საკუთარი მოსაზრებები და დააფიქსირეს დამოკიდებულებები გარემოსდაცვით საკითხებზე. აქტივობის ფარგლებში მათ შეასრულეს შემოქმედებითი დავალებები და შექმნეს თემატური ნამუშევრები დედამიწის დაცვის მნიშვნელობაზე.

დღის დასასრულს გაიმართა ხეების დარგვის აქცია, რაც წარმოადგენს ბუნებაზე ზრუნვის პრაქტიკულ მაგალითს და ეკოლოგიური პასუხისმგებლობის გამოხატულებას.

მონაწილეებს გადაეცათ სიმბოლური საჩუქრები.