22 მაისს, ბიომრავალფეროვნების საერთაშორისო დღესთან დაკავშირებით, მაჭახელას დაცული ლანდშაფტის სამმართველოს თანამშრომლები ერგეს საჯარო სკოლას ესტუმრნენ და მოსწავლეებთან შემეცნებითი შეხვედრა გამართეს.
შეხვედრის ფარგლებში მოსწავლეებს გააცნეს მაჭახელას დაცული ლანდშაფტის სამმართველოს საქმიანობა, მისი როლი ბუნებრივი გარემოს დაცვასა და ადგილობრივი ეკოსისტემების შენარჩუნებაში. განსაკუთრებული ყურადღება დაეთმო მაჭახელას ხეობაში არსებულ უნიკალურ ბიომრავალფეროვნებას — სხვადასხვა სახეობის მცენარეებს, ცხოველებსა და ფრინველებს, რომლებიც ამ ტერიტორიას განსაკუთრებულ მნიშვნელობას ანიჭებს.
მოსწავლეებმა მიიღეს ინფორმაცია იმის შესახებ, თუ რამდენად მნიშვნელოვანია ბუნების დაცვა, გარემოზე ზრუნვა და ბიომრავალფეროვნების შენარჩუნება მომავალი თაობებისთვის.
ღონისძიების დასასრულს, მოსწავლეებმა შეავსეს თემატური კითხვარი, რომლითაც მიღებული ცოდნა გაამტკიცეს.
მონაწილეებს სამახსოვრო საჩუქრები გადაეცათ.
